Wismar Kalender 52 2019

Dreigh ümm dis Kort, up jerren Fall,
Denn sühst du dor de Habenhall!

Ganz fien maakt, is se, hinn un vörn,
Ni Finstern inn, un ock ni dörn!

De olle Putz, de deer verswinnen,
Dörch niegen deer se veel gewinnen!

Verkihren kann ick dor nich mihr,
Dat Hard, dat blött mi manchmal sihr!

Blot Sailors von de Schäp in Haben,
Besett‘ dat Hus, von ünn un baaben.-

Een Glück, dat Heine ruhig slöppt,
Un em dis Tostand nich mihr dröppt!

Wo mannigmal hebt wi dor säten,
Un Labskausch mit den Läpel äten!

Dorto veel „Mampe“ un veel Bier,
Dat wier vör uns een groot Pläsier.-

Nu ward wi old, doch güng ick röwer,
Ganz giern noch mal, un hiew een öwer!

Villicht kannst du dit woll verstahn,
Wo mi manchmal dat Hard deith slahn!

Un nu wünsch ick tom Wihnachtsfest,
Gesundheit un dat allerbest!

Tom Nijohr ock een bäten Schwein,
Ock veele Grüss, ut‘ leew land“Ein“

Wismar, Dezember 57. H.W.